Hivayaklota Listen

Honaovat okoa NWT Inuit Pitkohiinik Atokpagaitnik Maligat?

Okoa NWT Inuit Pitkohiinik Atokpagaitnik Maligat ovalo pitkovagait inuit pitkohikhait. Ona ehoinaknaktok maligak piyagiyukagomi naliak nanggotigomik inuknik emaitokot:

  • Kanogitot, kinaoyut, kangaknikaoyut, homi inuhimayut, ovalo homikmiotaoyut.
  • Angnaotkiagiit, angotaotkiagiit, naliak angnaogomik angotaogomik.
  • Elagohiit naliak nuliakagomik, naliak elagohiit pikatigiikomik.
  • Inuit havangitkomik.
  • Kinani angajukpakomik.
  • Aivaktiit kavamani naliak kinani.
  • Etiktaohimayukok naggogiyaogomi.
  • Inummaklokomi.
  • Inutkoangogomi.

Hamani ehoittok ovani Inuit Pitkohiit Maligat naggogiyaonik inuknot ovani 5 atoktoni:

  1. Havaknik ovalo havakhakhioktot.
  2. Iglonik atoktot nlaiak nanminikmik havakvikaktot.
  3. Eligiyaogomik havakvikni eligeektoni naliak ayoitonik havaktoni.
  4. Kavamani havakomik ovani anniaktolikioni, elihaktitioni, naliak olasilikioni.
  5. Titiganik noittigomik tohaayanot, makpiganot, makpigakyoanot, naliak takoyanot.

Kanogitpa ematot naggohoknik inuknot?

Inuknik naggohoknik emaitok ovagot inuknik naggohokopta naliak kinanik ovalo ehoitomik naggogigoptigik, allianaigilogit, naliak honanik pikakkata naggogiaptingnik.

Hamma pinggahot inuknik naggohoknit:

  1. Kina iglootilik kinamot atoktitiomangitok havangitpat atogomayuk naliak akiliktoilimainahogigomiok iglomik atoktiligomiok.
  2. Inuit sekogviat havaktikagomangigot angnak sekogtitii angnamik angnaotikakkat sekogtonot taimaililakotinahokogamik.
  3. Havakvik annittigomi angnamik angnak hinggaiyaokpat.

Honaovat okoa Inuknot Pitkohiitnik Katimayiit?

Okoa Inuknot Pitkohinik Katimayiit havakvioyut elikokhotik kavamanit.

Okoa Inuknot Pitkohinik Katimyiit:

  • Monaktioyut okononga NWT Inuknot Pitkohinik Maligat.
  • Ekayuktot inuknik elihimatkoyait inuit pitkohiinik, ona Maligak, ovalo Maligak aolania.
  • Ekayuktot inuknik elihimayakhait ehoigohoktot honaokmata ovalo kanok onniktokhat kinanot.
  • Monagivagait ovalo  ovalo ehoakhakpagait ehoigiyaoyut.
  • Ehoigohoktokakpat kinamik ekayulimaitok. Okoa Katimayiit kinaloanik ekayulimaitot.

Honaovat ehoigohoknit?

Elvit titigaklotit ehoigiyaknik kinat inuit ehoinakatit naliak havakviit ehoinakata elingnot maligatigut ovalo aolaktitlogo titigak ehoinakhiotit. Oka akiitok titigakt ehoigiyaknik okakvikagovit. Titigaklotit ehoigohotiknik akongai 2 okioni naggogiyaohimagovit.

Ona ehoinaknik titigakot emaitok 5 atogakhanik aolanikaktok:

  1. Kina inuk ehoinakhigomik kinanit titigakloni okagiakaktok titigakloni ovalo aolaktitlogo titigat      Katimayiinot.  Katimayiit havaktingit ekayulaktatit titigak ehoakhaklogo ehoinakhigovit.  Elvit elingnik titigainagiakaktotit ehoinakhiotiknik. Kina inuk titigakloni pilimaitok ekayukloni kinamik.
  2. Ona Atanik ovani Katimayiini ehivgiokhiniaktok ehoinakhiotinik Maligak atoktanik.
  3. Ona Atanik tikkoakhiniaktok ehoakhaiyikhamik ehoigiyaonik ehoakhinahoaklogo.
  4. Ona Atanik tikkoakhiniaktok ehivgiokhiyukhamik ehoigiyaoyuk ehoakhingitpat.
  5. Ona ehivgioknik, tohaktitiniaktot kinanik kina ehoinaktokakpat maliganik.

Hivayaklogo okoat Katimayiit titiganik Ehoinaktokakpat Titigakvimik ovalo naonaigomakpat ovalo okoa NWT Inuknot Pitkohinik Maliganik.

Makpiganik titigakhimayunik piomakpat allakot okaohikot, hivayaklota ovani 1-888-669-5575.