Ilitchukrivik 
Huna Uvva Una Maliakraliaq Inuhim Iluaquagun?
NWT Nunaptingni uqautchit navingnailat ilihimarut Inuk pimakluktakraungitchuq:
- Atlakayaukpan uvininga, immalu atlanin nunanin qaikpan, immalu kinguvalik atlakayanik.
- Angun arnarluunin.
- Ilagiiktuat atlakayaarikhuting.
- Inuuhia atlaukpan.
- Ukpirniarutaa hivunniuruta.
- Ingmigun ukpikutingit ilananilu.
- Inuk pimaklugarugaluaktuaq nakuutmun aulaniapayukman.
- Avatigiiluqtuaq.
- Qaffiniqliqaa ukiuqaqtuaq.
Tallimaurut ukua atuakraungilat inungmun qapingnagu inuuhiagun:
- Havaakraminik ivakliqpan.
- Tukkumavikraminik havaami inikrangatnik.
- Havaqtuanun ilaliutihukpan.
- Ilaliutihukpan iliharvingni immaluuniin nakuutmun havangniakmatta.
- Iliuqainiaruni aglangnik taiguakranun tautuaqranun aatchuutikranun makpiraanun.
Huna Uvva Una Qapirutikr̂aungilaq?
Inuk ingmirun inuniaqpaluktuaq qapiktakraungitchuq havakpan inungni inugiaktuani ilauluni pihaangalugu immaluuniin aatchuqtailinagulu humik pihukpan.
Pingahut qapikkutit itnaitut.
- Nullaarvingmi aulatchirim ihumaluni una inuk ikayuqtauruat ikayuqtit aturumi akiliniangitchuqluuniin pimakluktarniaqtutluuni.
- Iliharviit havaqtiniangitkaat arnaq arnautiqaqpan atriminik nutaqqanun kii pillautarnianginahugalugu taitnahit hivunniuqtuani ilaukpan nakuutmun iliharniangitchut nutaqqat.
- Arnaq anitauvluni havarvingminin hingiayaupman.
Huna Uvva Una Inuuhimun Tutqingniarutit?
Inuum inuuhia Government munarigait inuum qapiktakraringitkaa inuk.
Inuuhimun Tutqingniarutit:
- Qaunaginagu atlakayaukpan nunaptingni.
- Ilitchurilutin inuum aulahia aulaqpan.
- Iñuk ikayurlugu kangiqhihukpan iñuum pimakllugakpani quliaguktuaq.
- Quliaqtuqpan tutqingniarlugu.
- Quliaqtuqpan ikayurlugu iluatmun aulatiniarlugu. Inuuhim nakuutmun aulatchiri avatmun ikayuilaitchuq.
Huna Uvva Quliaqtuq?
Quliarnaqtuq inuk pimaklugakman navingnailat naviknagit. Ilingnun akiitchuq quliaqtuqtuni.Ukiuk malruk qaangiraluaqtitnagik inuum pimaklugautingit ilingnun quliaqtakratin.
Tallimaurut maliakrat.
- Inuk atniaqtauruaq inuuhimigun quliarluni tapkununga ikayuqtinun. Iliknik kihianik quliarlutin. Atlam inuum quliarutiniangitkaatin.
- Hivunniuqtim quliaqtan iluatmun itimaraan ahiin qaillugu qainiaraa inuuhim tutqikharvianun.
- Hivunniuqtim tutqikharniaraa iluatmun.
- Taamna tutqikhinngitpan qutchikriminun tutqiktiniaraa.
- Qimilruganikumitrung atlariit havaqatigiirluting ilitchuriniaqtut inuum taamna navingnailaq navingniraa.
Ilitchuriffaarukkuvit quliaqturviat makpirangit pilugit ilitchuriffaarmautin maliakralianin iñuum iñuuhia atniaqtakraungitchuq NWT nunaptingni.
Umunga kangiqhihukkuffi uqauhit atlagiiktut ququarvikran 1-888-669-5575.
This post is also available in: French